Mbledhja e Qeverisë sot ka nisur me një minutë heshtje në nderim të viktimave të tërmetit që goditi Turqinë mëngjesin e së hënës.

Kryeministri i Kosovës, Albin Kurti shprehu ngushëllime për viktimat e tërmetit, teksa theksoi se Kosova qëndron pranë popullit turk, raporton arbresh.info

Ai përmendi se ekipet e FSK-së, së mjekëve dhe ekipet tjera të kërkim-shpëtimit veçse janë në Turqi dhe po u dalin në ndihmë të prekurve nga tërmeti.

“Populli i Kosovës qëndron pranë popullit turk dhe Turqisë në këtë fatkeqësi, dhe tashmë ekipet e Forcës së Sigurisë së Kosovës, ekipet mjekësore dhe ekipet tjera të kërkim-shpëtimit tashmë janë në Turqi dhe po ndihmojnë. Andaj, në nderim të viktimave të tërmetit, ju ftoj të mbajmë një minutë heshtje.”, tha Kurti. /arbresh.info/